NRLSyî Rojawan de yewîya neteweyîye ser o rayaumûmî de cigêrayîş kerd. Goreyê netîceyanê cigêrayîşî se ra 95ê şarî îtîfaq pozîtîf vîneno û se ra 86ê şarî zî îfade keno ke ganî pêro partîyî tewrê xebata yewîye bibê.
Merkezê Rojawanî yê Cigêrayîşan ê Stratejîkan (NRLS) herême de rayaumûmîye reyde qisey kerd û fikrê înan ê derheqê yewîya neteweyîye de girewtî. NRLSyî netîceyê cigêrayîşê xo eşkera kerdî.
Pêvînayîşan seba yewîya neteweyîye bi înîsîyatîgê Hêzanê Sûrîyeya Demokratîke (QSD) û bi çimdarîya DYA û Fransa mabênê Partîyanê Yewîya Neteweyîye ya Kurdan (PYNK) û ENKSî de dest pêkerd. Nê pêvînayîşî hema zî dewam kenê.
NRLSyî derheqê pêvînayîşan de herêma Cizîre de cigêrayîşêk kerd. 1.378 kesî tewrê cigêrayîşî bîyî ke înan ra 463 kesî cinî û 922 kesî zî camêrd bîyî.
Goreyê netîceyanê cigêrayîşo ke şaristananê Hesekê, Qamişlo, Girkê Legê, Amûdê, Dirbêsiyê, Til Temir, Tirbespiyê, Dêrik de ame kerdene, se ra 95 kesî bi hawayêkê pozîtîfî ewnîyenê xebatanê yewîye neteweyîye.
Se ra 65 kesan zî îfade kerd ke pêvînayîşî do bi hawayêkê serkewteyî do biqedê. Se ra 86 kesî zî pê bawer ê ke seba ke pêvînayîşî ser bikewê ganî pêro partîyî tewrê pêvînayîşanê seba yewîye bibê.
Netîceyê bînî yê cigêrayîşî wina yê:
