Serkêşanê Eşîra Feqîranî ra Şêx Îlyas Cindoyî ANFyî rê qisey kerd û pare kerd ke azadîya Êzidxanî û Kurdîstanî pê caardişê fikranê Abdullah Ocalanî mumkîn a.

Cindoyî ard ziwan ke Êzidxan pabesteyê Kurdîstanî yo û Kurdîstan hêzê xo fikranê Rayberê Şarê Kurdî Abdullah Ocalanî ra gêno. Cindoyî vat: ''Eke ma bibê yew û dormeyê fikranê Rayber Apoyî de bêrê pêser, qet yew hêz nêeşkeno verê ma bigêro.''

Cindoyî vist vîrî ke êzidîyan rîyê îxanetê PDKyî ra zaf anto û vat: ''Pêşmergeyanê PDKyî ma rê vat ke ê do vera DAÎŞî şer bikerê. Ma doman û cinîyî berdî Koyê Şingalî, dima wexto ke ma agêrayî ke şer bikerê, pêşmergeyî remaybî. Înan şar terkê mergî kerd. O çax koyan ra ber cayêk çin bi ke ma bipawo. La gerîlayanê Rayber Apoyî seba Şingalî bi qehremanî şer kerd. Gerîlayan ra nêbîyêne nika komelê êzidîyî zî nêmendêne.''

Cindoyî pê hesna ke erdê kurdan warê xoverdayîşî yo û vat: ''Ganî şarê Kurdîstanî yew binê. Mi rê binê sîya darêka Kurdîstanî her cayî ra rindêr o. No erd ê ma yo.''