Kadroyê serkêşî yê PKKyî Alî Haydar Kaytan û Riza Altun London û Den Haag de hetê girseyan ra ameyî yadkerdene.

Paytextê Îngilîstanî London de serkêşîya Meclîsê Şarê Kurdî yê Brîtanya de merasîmêkê yadkerdişî ame kerdene. Bi seyan kesî tewrê merasîmî bîyî. Hemserekanê Meclîsê Şarê Kurdî merasîm de qisey kerd û ard ziwan ke Kaytan û Altun bîyê nefer û ruhê têkoşînî yê PKKyî û ganî her kes wayîrê vîrameyîşê înan vejîyo. Merasîm de derheqê Altun û Kaytanî de sînevîzyonêk ame mojnayene.Merasîm bi slogananê sey "Şehîd namirin", "Bijî Serok Apo" qedîya.

Şaristanê Den Haagî yê Hollanda de merasîmêkê yadkerdişî ame kerdene. Xeylê kesî tewrê yadkerdişî bîyî. Merasîm de şîîrê Kaytanî ameyî wendene û sînevîzyonêk ame mojnayene.