Ma reyna waranê gerîlayan de yê. Tîje hêdî hêdî vejîyena la ma pê ''Rojbaş''ê gerîlayan verê tîje şîyar benê. Rojbaşê gerîlayan seke vano ke ''Ey dinya rakewtişê mergî ra wurze, ma reyna merdimîye gandar bikerê.'' Ciwanan rê zî wina yeno vengdayene: ''Seba qesasê ciwanan û seba qesasê verênan ma yê ke seba azadîya Kurdîstanî qetl bîyî tîya rayîrê edalet û raştîye yo. Hêvîya înan têna tornê înan bîyî ke ê do qesasê ci bigêrê.''

Ma hetê gerîlayan ra reyna pê heskerdiş û meymandarîye ameyî pêşwazîkerdene. Huyayîşê gerîlayan rincanîya merdiman gêno. Gerîlayî wexto ke kede danê çîyêk rîyê înan de huyayîşêk virazîyeno. Her ke huyenê zêdêr kede danê. Gerîlayî senî eşkenê hem hende bixebitê hem zî şay bibê? Pê heskerdiş û eşq ruhê merdiman  ganî beno. Wexto ke gerîlayî huyenê çimê înan beriqîyenê. Ma zî bîyî şahîdê nê huyayîş û kedan. Cinîyî wexto ke kede reyde benê yew benê berz û benê rindêr.

Nê cinîyî vera îşxalan kede danê, seba cinîyanê ke yenê înkarkerdene şer kenê. Têkoşînê înan zî her roje beno pîlêr. Warê gerîlayan de cuye her çî ra rindêr a. Embazîye, parekerdiş, heskerdiş û perwerî asta berze de yenê ciwîyayene. Fermandare Nûda waşt ke di gerîlayan bierşawê wezîfe. Înan rê tay hîşyarîyî zî dayî. Wexto ke gerîlayî wezîfeyî ra agêrayî rîyê înan de rêçê rincanîye çinbî. Yew roja gerîlayan wina pir derbaz bena. Roje pê huyayîş, heskerdiş û oxirkerdişan qedîyaye.