Endama Koordînasyonê Komelgehê Cinîyan ê Azadan ê Rojhelatî (KJAR) Ciwana Sine sîyasetê rejîmê Îranî de vera cinîyan ser o ANFyî rê qisey kerd.

Qiseykerdişê Sine ra beşêk wina yo:

''Îran de bingeyê pêro meseleyan de meseleya netewe-dewlete esta. Seba ke sîstem dewam bikero ame waştene ke wa komel qels bibo.  Coka rejîmê Îranî cinî û ciwanan keno hedef.

Îran de key sîstemê verê xeniqîyayîşî de bi cinî û ciwanî qetil kerdî. Nê prosesan de xokiştişê cinîyan zî zêdîyenê. Çunke cinîyî teber de maruzê tedaya rejîmî zere de zî maruzê tedaya camêrdan manenê.

Bitaybetî Rojhelatê Kurdîstanî û herêma Belûcî de cinîyî yenê dardekerdene. 3 menganê peyênan de 11 cinîyî ameyî dardekerdene. Îran de cinîyî bi hawayêkê barbarî kişîyenê. Îran de cinîya bi nameyê Zehra rê 16 reyan cezaya îdamî dîyaye. La Zehra krîzê qelbî ra merda. Rejîmî cenazaya Zehra darde kerde. Mêrdeyê Zehra îstîxbaratî ra bi û kêna û cinîya xo rê tim şîdet kerdêne.

A raşte şexsê cinîyan de komel yeno dardekerdene. Rejîm pê dardekerdişê cinîyan çimê komelî tersneno. Cinîyî ganî 8ê Adare de seba Zehra vejîyê meydanan û na polîtîkaya îranî protesto bikerê.

Rixmê hende teda û zulman zî Îran de cinîyî tim têkoşîn kenê xo ver danê. Ganî cinîyî reyna sere wedarê û bi nê hawayî verê qirkerdişê xo bigêrê.''