Yewîya Ciwanan û Cinîyan ê Êzidîyan a Şingalî, bi eşkerayîyêke paştî daye xoverdayîşê gerîlayanê HPG û YJA-Starî yê vera hêrişanê îşxalî.

Ciwanan ard ziwan ke ê heta peynî hetê gerîlayan de yê û wazenê gerîlayan de mil bi milî têkoşîn bikerê. Ciwanan vat: ''Gerîlayî roja tewr tarîye de resayî heware ma û ma fermanî ra xelisnayî. Ma ra çi bêro waştene, ma do bikerê. Ma venga Iraqî danê ke waştişanê Şingalî bîyarê ca û artêşa tirke erdê ma ra vejo. PDK û Barzanî wa xo ra şerm bikerê. Ma hewceyê înan nîyê. Ma seba Kurdîstanêkê azadî, Êzidxaneyê Xoserî û Iraqê demokratîkî şer bikerê.''