Ciwanê Başûrê Kurdîstanî tewrê gerîlayanê azadîye benê û bi nê hawayî cewab danê hêrişanê îşxalî yê dewleta tirke.

Tay ciwananê Başûrî vîdeoyê xo girewtî û ajansê ma ANFyî rê erşawitî. Ciwanan vîdeoyan de vanê ke ê vera îşxalê dewleta tirke û xayînan bêveng nêmanenê, çekanê xo gênê xo destî û tewrê şerê azadîya Kurdîstanî benê.

Ciwanan vîdeo de venga pêro ciwananê Başûrî danê ke wa tewrê gerîlayan bibê: ''Ma wazenê ciwanê bînî yê Kurdîstanî vera îşxalê Tirkîya bêveng nêmanê, tewrê gerîlayan bibê û şerê azadîye bikerê.''