Înîsîyatîfê Ciwanan ê Başûrê Kurdîstanî pê eşkerayîyêke da zanayene ke ê do vera provakasyonê PDKyî  bi şîarê ''Ma seba Yewîya Neteweyîye rayîrî ra şorê'' 16ê gulane de Ranya ra ver bi Zînî Wertê dest pê rayraşîyayîşê dergî bikerê.

Eşkerayîde wina ame vatene: ''Pê provakasyonê Zînî Wertê planê dewleta tirke ya îşxalkere ame dîyene. Sere de roniştoxê Zînî Wertê her kesî venga PDKyî da ke leşkeranê xo tepîya bianco. La PDKyî goş nêda nê vengdayîşan. Ma sey Înîsîyatîfê Ciwanan ê Başûrê Kurdîstanî pê rol û mîsyonê xo, pê  ruhê gerîla, pêşmerge û şerwananê ke seba yewîya neteweyîye û azadîya Kurdîstan şehîd kewtî, ma do ver bi Zînî Wertê rayraşîyayîşêkê dergî bidê destpêkerdene.

Ma do nêverdê ke planê dewleta tirke bireso armancanê xo. Nê esasî ser o 16ê Gulane de bi şîarê ''Ma seba yewîya neteweyîye rayîrî ra şorê'' ma do rayraşîyayîşê xo yê dergî bidê destpêkerdene. Ma venga her kesî danê ke tewrê rayraşîyayîşî bibo. Rayraşîyayîş do 16ê gulane saete 10:00 de Zanîngehê Ranya de dest pêbikero.''