Komêka ciwananê Vakurê Kurdîstanî pê vateyê 'qirkerdiş, qetlîam, cuya koletîye qederê şarê ma nîyê' tewra gerîlayan bîye. Ciwanan bi eşkerayîyêke sebebê tewrbîyayîşê xo rayaumûmîye reyde pare kerdî.

Goreyê xebera ke keyepelê Nûçeciwanî de weşanîyaya eşkerayîye wina ya:

''Dewleta tirke ya îşxalkere, qirkere, faşîste, îqtîdaro faşîst ê AKP-MHPyî û kiştox Erdogan şerê qirkerdişê kurdan rê dewam kenê. Coka ê her roje vera şarê ma û erdê ma polîtîkayanê şerê taybetî, wêrankerdiş, kiştişî meşrû vînenê, sîyasetê xo mehqûl vînenê. Pê tonan bombayan û gazê kîmyewîyî çar hetanê Kurdîstanî ser o varnenê.

Ê têna merg, qirkerdiş, vêşnayîş û wêrankerdişî layîqê erd, awe, xoza, mal, ciwan, cinîyan û hemwelatîyanê kurdan vînenê. Kiştox Erdogan pê rijnayîşê gonîya ciwananê kurdan bîyo Dehakê serdemî. Ewro ma venga ciwanan danê ke hînî wextê ci ameyo ke beşdarê Hemleya 'Wextê Azadîye û Werin Cenga Azadîyê' bibê û qesasê xo dewleta tirke ya faşîste û cerganê ci ra bigêrê. Ewro wextê caardişê azadîya Rayber Apoyî yo ke 23 serrî yo destê dewleta tirke ya qirkere, îşxalkere û faşîste de yo.

Vera Erdoganê gonîrijnayoxî wextê ci ameyo ke ciwanî bibê Kawayê asinkerî. Wext wextê vindarnayîşê hişmendî û cerganê ci yo ke xîret kenê dewe, taxe û kuçeyanê ma bikerê warê tîryakî, qumar, fuhuşî.

Vera hêrişanê qirkeran ma bibê wayîrê têgêrayîşê azadîye û bibê gerîlayê azadî û rûmetênî. Vakurî ra heta Başûrî, Rojawanî ra heta Rojhelatê Mîyanênî erkê ciwananê Kurdîstanî yo ke ma Kurdîstanî bipawê, qesasê şarê ma bigêrê, estbîyayîşê xo bipawê û azadîya Kurdîstanî bîyarê ca.

Semedo ke ciwan û cinîyê çêrî yê Kurdîstanî peynîya îşxal, kolonyalîzm û faşîzmê Komara Tirkîya bîyarê deşt û koyî pabeyê ma yê. Qirkerdiş, qetlîam, cuya koletîye qederê şarê ma nîyê. Wextê ci ameyo ke ma esasê pawitişê estbîyayîşê xo û caardişê azadîya xo ser o pê rayberîya gerîlayan tewrê têkoşînê tarîxîyî bibê û nê têkoşînê rûmetênî biresnê serkewtişî.

Na çarçewe de ma tewrê Hemleya 'Werin Cengê Azadîyê' benê û koyanê azadan de gerîlatîye kenê. Ma rayîrê şehîdan de têkoşîn, xoverdayîş û azadîye bi serkewtişî tacîdar bikerê. Ma venga şarê xo û ciwananê kurdan danê ke pê hişmendîya mesuldarîyanê xo yê tarîxîyan verê xo bidê gerîlayan û wayîrê nê xoverdayîşê tarîxîyî vejîyê.''