Ciwananê Kerkûkî ANFyî rê qisey kerd û ard ziwan ke ganî kurdî hemkarîya dişmenî mekerê.

Mihemed Kerkûkîyî vist vîrî ke vera erdê Başûrê Kurdîstanî hêrişê giranî estê û vat: ''Dewleta tirke cara tim waştêne Başûrê Kurdîstanî îşxal bikera. Tirkîya tewr peyêne dewa Seydanî ya Çemçemalî daye bombayan ver û sivîlî qetil kerdî. Ma venga pêro ciwananê Başûrî danê ke vera îşxalî wayîrê tewirî bibê.''

Ciwanê bi nameyê Elî Edhemî vat: ''Tirkîya bi bahaneya PKKyî hêriş lena la no raşt nîyo. Tirkîya Osmanîyan ra nata wazena pêro Kurdîstanî îşxal bikera. Hemkarîya bi dişmenî şirîkîya qirkerdişî ya. Ez venga hetanê sîyasîyan dana ke vera îşxalî bêveng nêbê. Bêvengî û hemkarîya bi dişmenî şirîkîya qirkerdişê kurdan a.''

Ciwanê bi nameyê Soran Serdarî vat: ''Tirkîya bi xeylêk eşkerayîyan û mesajan eşkera kerd ke ê 2023 de wazenê Musîl û Kerkûkî tewrê erdê xo bikerê. Ganî hukmatê Iraqî vera hêrişanê tirkan tewirêkê cidîyî bimojno. Wa pêro ferdê Baaşûrî vera hêrişan bibê wayîrê tewirî, nêbo Kurdîstan do çin bibo.''