Rixmo ke dewleta tirke bi heme îmkananê xo  polîtîkaya şerê taybetî rayra bena ke wa ciwanî kurdan tewrê sefanê gerîlayan mebê, ciwanî vera hêrişê îşxalî û qirkerdişî yê dewlete verê xo danê koyanê azadan ê Kurdîstanî.

Egîd Çîya û Pîro Çîya yê ke Amedî ra tewrê sefanê gerîlayan bîyî ANFyî rê qisey kerd.

Gerîla Egîd Çîya: ''Nameyê mi  Egîd Çîya yo. Mi nameyê Çîya girewt ke dewleta tirke ya ke bi fuhuş û kundoxî ciwanan xapînena û vana ciwanî tewrê gerîlayan nêbenê, wa ci rê cewab bo. Koyê tim xeyal û hevîya mi bî ke ez biresî ci. Çîya nameyê koyan de resayîşê azadîye yo. Demo peyên de ciwananê kurdan ser o şerêko taybe yeno caardene.Wezîrê Karanê Zereyî yê Tirkîya Suleyman Soylu vano ke ''gerîlayan rê tewrbîyayîş nêbeno.'' Nê pêro zûr ê. Ma zî bi caardişê xeyalanê xo ramojna ke nê raşt nêvanê. Hemra Murat Karayilanî derheqê tewrbîyayîşê gerîlayan de ercnayîş kerdîbî. Seba ke ma  naye rê cewab bê û vera zextê dewlete ma verê xo da sefanê gerîlayan.''

Gerîla Pîro Çîya: ''Mi zî semedê heseretê xo yê koyan nameyê Çîya girewt. Ez xo ra bawer a ke ez do  cuya û pratîkê xo de sey koyî vinderê û vera dişmenê sey cewabî çîyo ke destê mi ra bêro, ez do bikerî. Badê qiseykerdişê hemra Murat Karayilanî ma qerar girewt ke ma gerek waranê azadan de têkoşîn bikerê û ma resayî embazan û koyanê xo. Ma keyfweş ê ke heme astenkerdişê dişmenî bi tewrbîyayîşê ma pûç vejîyayî.  Bêşik o ke têna ma tewr nêbîyî. Ma paytextê Kurdîstanî Amedî ra yenê û zanê ke ûca senî waştişê tewrbîyayîşî esto. Pê xîretkerdişî do no waştiş bireso hedefê xo. Ma tîya ra veng danê heme ciwanan Kurdîstan û Tirkîya ke vera hêrişanê dewlete wa verê xo bidê koyanê azadan û têkoşînî xurtêr bikerê.''