Pê tewrbîyayîşê bi desan ciwanan, cinîyan û hemwelatîya nê Rojawanî rayberîya Têgêrayîşê Ciwanan ê Şorişgêran de hêrişê îşxalê tirkan ê vera kurdan û Başûrê Kurdîstanî pê eşkerayîyêke ameyî şermezarkerdene. Eşkerayîye de fotografê Rayberê Şarê Kurdî Abdullah Ocalanî ameyî berzkerdene û sloganê ''Bimiro îxanet'', ''Biciwîyo Xoverdayîşê Gerîlayan'', ''Şehîdî Nêmirenê'' û ''Biciwîyo Serek Apo'' ameyî vatene.
Eşkerayîya ciwananê Rojawanî ya ke hetê Dîlbere Mihemed ra ameye wendene wina ya:
''Dewleta tirke ya îşxalkere vera kurdan û Kurdîstanî hêrişanê çinkerdişî kena, hêrişê Mexmûr, Şingal, Rojawan û Başûrê Kurdîstanî kena. Hêrişan de qanûnê merdimîye yenê binpaykerdene. Eşkera yo ke tay ajan û bêbextî yê nê welatî hemkarîya dewleta tirke kenê.Se beno wa bibo ma sey ciwananê Rojawanî hêrişê vera erdê xo qebul nêkenê.
Dewleta tirke çinkerdişê kurdan û Kurdîstanî kerdî hedef û ciwanê rayberî yê Şeladizê şehîd kerdî. Ma nê ciwanan zî yad kenê. Ma zanenê ke hêrişê Mexmûr, Şingal, Kobanê û Şeladizê do biresê Hewlêr, Silêmanî û Ranya zî. Ganî sere de ciwanê kurdî şarê kurdî vera nê hêrişan vinderê.
Dewleta tirke hêrişê dewa Helîncê ya Kobanê kerd û 3 cinîyê xoverdayoxî qetil kerdî. Dewleta tirke pê erdê ma do nêeşka. Ma do vera nê hêrişan bi hawayêkê xurtî û hêzî vinderê. Ma pêro şehîdanê Kurdîstanî yad kenê, sozê qesasê înan danê.''
Eşkerayîye pê sloganê ''Biciwîyo Xoverdayîşê Heftanînî'' qedîyaye.