Numan Aydemîrî (18) taxa Aralikî ya deweka Kooperatîfî ya qezaya Bismilî de ciwîyayêne. Numan Aydemîr serê sibayî 4 embazanê xo reyde seba ke masêyan tepişo şi Çemê Dîcle. Aydemîr kewt mîyanê lêzdikî û awe o xeniqna. Embazanê xebere daye merdimanê Aydemîrî û înan Aydemîr binê lêzdikî ra vet.

Aydemîr wedarîya Nêweşxaneyê Dewlete yê Bismilî û la rixmê pêro xîretan zî dinyaya xo bedilnaye. Cenazaya Aydemîrî ameye definkerdene. Derheqê serebûtî de tehqîqatêk dîya destpêkerdene.