Şert û mercê cuye yê şingalijanê ke fermanê 3ê tebaxa 2014î ra dima Şingalî ra koç kerd û kampanê Başûrê Kurdîstanî de manenê, giran ê. Nika zî pê nahaneya vîrusê Korona û qedexeyê dekewtiş û vejîyayîşî destûr nêno dayene ke şingalijî abigêrê warê xo.

Ehmed Mîrza zî qezaya Şêxan a Duhokî de kampêke de maneno û pê zîretî debarê xo keno. Labelê wexto ke baxçe ra agêrayêne kampe hetê asayîşê qeza ra ame destbendkerdene. Goreyê zanayîşanê ke keyeyê Ehmed Mîrzayî pare kerd hêzanê asayîşî pê pêrodayîşî lajê înan dest bend kerd û nika rewşa weşîye ya ey hol nîya.

Keyeyê Ehmed Mîrzayî waşt ke lajê înan bêro veradayene.