Seba ke vera xespkerdişê îradeyî yê Wanî tewrê çalakîyan bîyî 8ê gulane de Colemêrg de sereştişê keyeyan de 9 kesî ameybî destbendkerdene. Înan ra hewt kesî vizêr ameyî tepiştene.

Bariş Ozdinç, Serhat Engin, Serkan Akdag, Ferhat Çetin, Serkan Tan, Agit Kurt, Cahit Erdal, Mazlum Kurt û Ali Sonmez badê îfadeyî sewqê edlîye bîyî û dima ra bi îdîaya “propagandaya rêxistine” û “endamîya rêxistine” û bi waştişê tepiştişî sewqê Dadgerîya Sulh Ceza bîyî.

Dadgerîye derheqê Bariş Ozdinç, Serhat Engin, Serkan Akdag, Ferhat Çetin, Serkan Tan, Agit Kurt, Cahit Erdalî de qerarê tepiştişî da û bi hepsê keyeyî Mazlum Kurt û Ali Sonmez veradayî.