Merkezê Çapemenîye yê HPGyî derheqê çalakîya gerîlaya û hêrişê artêşa tirke de eşkerayîye daye.

HPGyî vat: ''Gerîlayê Azadîye yê Kurdîstanî Cûdîyî ra heta Mêrdînî, Metîna ra heta Zap û Avaşînî destanê qehremanîye nusenê û bibedalanê pîlan çalakî û xoverdayîşê xo domnenê. Pê çalakîyanê cîya cîyayan ê hewayî û erdî ra derbeyê pîlî dîyenê dîşmenî ro. Herêmanê Avaşîn, Zap û Metîna de pêkewtişê giranî hema dewam kenê.''

Eşkerayîya HPGyî wina ya:

Cûdî

''Herêma Cûdîyî de vera şantîyeyê hemkar Suleyman Bolunmezî yo ke falîyetanê korntrayan keno, çalakîyêke ameye kerdene. 11 kamerayî ke şantîye de bî ameyî îmhakerdene û 11 wesayîtî ameyî vêşnayene û dest nîya di çekan û 3 dûrîvînan ser. 7ê hezîrane de warê Girê Hirmo yê Cûdîyî de vera îşxlakeranê ke vejîyayî operasyon çalakîya sabotajî ameye kerdene. Na çalakîye de 3 îşxalkerî ameyî cezakerdene. Îşxalkeran herême pê helîkoperan bombarduman kerde û operasyon qismêk pêser ant.

Hêzanê Pawitişî yê Hewayî yê Şehîde Delale 10ê hezîrane de Qilê Azadî yê herêma Metîna vera îşxalkeran çalakîyêke kerde. Hedefê ke ameyî bewlîkerdene biîsabet ameyî pirodayene.

Avaşîn

9ê hezîrane de warê Werxelê de îşxalkeranê ke cehd kerd ke dewbikewê mewzîyarnê şerî pê çekanê ferdîyan ameyî pirodayene. Na çalakîye de îşxalkerêk ame cezakerdene 2 îşxalkerî zî birîndar bîyî. Dima ra reyna vera înan çalakîya aj ameye kerdene. Îşxalkerê ke mecbûr mendê peyser agêrê narey waşt pê droneyan dîmenan biancê. Badê mudaxaleyê hêzanê ma droneyî herême ra kewtî dûrî. Cemê şanî hêzanê ma reyna di rey da îşxalkeran ro. Tîya 4 îşxalkerî ameyî cezakerdene. Îşxalkerî tîya gamêke peyser ancîyayî  û dima ra mewzîyê şerî pê teyarayan ameyî bombardumankerdene. Veraşan îşxalkerê ke qilêkê nêzdîyê mewzîyanê şerî de ameybî cakerdene ameyî pirodayene. Îşxalkerêk ame cezakerdene yew zî birîndar bi. Pêro pîya 6 îşxalkerî ameyî cezakerdene û 3 zî birîndar bîyî.

10ê hezîrane de warê Werxelê de vera îşxalkeran çalakîya suîqestî ameye kerdene, îşxalkerêk ame cezakerdene û dest nîya xeylêk malzemeyê leşkeran ser.  Îşxalkeranê ke waşt debikewê mewzîyanê şerî ameyî pirodayene û mecbûr mendî ke peyser biancê. Eynî roje waranê Mamreşoyî, Mervanos û Banista de îşxalkerî pê helîkoperan ameyî bedilnayene. Saetanê şewe de herêma Werxelê 7 rey pê teyarayanê şerî ameye bombardumankerdene. Dima ra zî qereqolanê sînorî ra pê obus û katyuşayan ameye pirodayene.

Zap

9ê hezîrane de warê Ciloyê Qijî de vera îşxalkeran çalakîya suîqestî ameye kerdene, îşxalkerêk ame cezakerdene. Eynî roje warê Çemço pê teyarayanê şerî 3 rey ame pirodayene. 10ê hezîrane de warê Ciloyê Qijî de têgêrayîşê helîkopteran qewimîya û warê Karkerî 2 rey pê teyarayanê şerî ame pirodayene. 11ê hezîrane de warê Çemço yî hetê qereqolanê sînorî ra ame bombardumankerdene.

Metîna

Metîna 10ê saetanê nêmroje ra heta nika  hezîrane de mewzîyanê şerî yê warê Zendûra de teqayîşê girdî û pêkewtişê giranî qewîyenê. 9ê hêzîrane de dormeyê dewanê Kêste û Qela Qumrîyê yê bajarekê Ganî Masî yê qezaya Amedîye ameyî bombardumanekerdene. Qilê Zendûra zî pê teyarayanê şerî 4 rey ame pirodayene. 11ê hezîrane de dewa Êzidî ya yê bajarekê Ganî Masî yê qezaya Amedîye pê helîkopteran îşxlakerî ameyî cakerdene.''