27ê temmuze de qezaya Geverî ya Colemêrgî de leşkeran eştbi dewa Zêvkanî ser û heman keyeyî ra Kemal, Xalid, Şivan, Mûrat, Nîhat û Şukru Polat bi îdîaya endamîya rêxistine destbend kerdbî.

Vizêr 6 kesî sewqê Edlîyeya Geverî ameyî kerdene û înan hetê Mehkemeya Ceza û Sulhe ya Geverî ra bi îdîaya 'hetkarîya rêxistine' tepişîyayî. 6 kesî erşawîyayî Zîndanê Wanî.

Avûkat Necat Polatî ard ziwan ke bira tepiştişî huqûqî nîya û vat: ''Bingeyê na bire çin a. Nê kesî eşkerayîya walîtîye de sey endamanê rêxistine ameybî eşkerakerdene. Coka na bire hetê walîtîye ra dîyaya.''