DAÎŞî hêrişê Mexmûrî kerd: Sivîlî remayî
Cerganê DAÎŞî hêrişê nêzdîyê dewa Kendalî ya koyê Qereçoxî ya Mexmûrî kerd. Hêriş de 3 sivîlî ameyî birîndarkerdene, 2 kesî zî ameyî remnayene.
Vizêr şewe cerganê DAÎŞî hêrişê dewa Kendalî ya Mexmûrî kerd.
Goreyê agahîyan cerganê DAÎŞî nêzdîyê dewa Kendalî de pê cilanê leşkerîyan xo nimna û wextê derbazbîyayîşê wesayîtanê sivîlan de guleyî eştî. Netîceya hêrişî de 3 sivîlî birîndar bîyî, 2 sivîlî zî ameyî remnayene.
Heeman çimeyan da zanayene ke mabênê cergan û pêşmergeyan de şer zî qewimîya. Nameyê hemwelatîyanê ke ameyî remnayene wina yê: Yusif Mihemed Girdeşîneyî û Mam Bekir Husên Mastfiroş.
5ê tebaxa 2021î de heman cayê hêrişî binê kontrolê pêşmergeyan de DAÎŞî 3 stunê ceyranî yê Mexmûrî teqnabi. Heta nika zî Mexmûr û dewijî bêceyranî mendî. Vizêr serrgêra hêrişê DAÎŞî yê vera Mexmûrî bîye.
