Partîya Herêman ê Demokratîkan (DBP) bi wesîleya 1ê Êlule Roja Haştîye ya Dinya eşkerayîyêke daye. Eşkerayîye de bale ameye antene prosesê çareserîye yê 2013î ser ke bi vengdayîşê Rayberê Şarê Kurdî Abdullah Ocalanî dîya destpêkerdene û hetê Erdoganî ra verê ci ame girewtene.

Eşkerayîye wina ya: ''Birê Abdullah Ocalanî seba ke verê şerî bigêro û haştîye ser bivisno zaf xîret kerd la bi şîdet û şerî cewam ame dayene ey. Ewro reyna têna Abdullah Ocalan eşkeno nê şer û krîzî vindarno. Seba ke na rewşa xirabe cade bivurîya tecrîdê vera Birêz Ocalanî bêro wedaritene û seba çareserî û haştî dîyalogî dest pêbikerê. Bingeyê meseleyan ê pêroyînan de polîtîkayê faşîstî yê îqtîdarî estê.''