Înîsîyatîfê Kurdîstanî Bipawê (Defend Kurdîstan)bajarê Derbendîxanî yo ke herêma Silêmanî ya Başûrê Kurdîstanî de yo, zîyaret kerd.

Heyetê Defend Kurdîstanî Rêxistina Xoza ya Kurdîstanî de pêvînayîşêk kerd û derheqê rewşe de zanayîş girewt. Rexistina Xoza raporê menga hezîrane heyetî reyde pare kerd. Goreyê raproî netîceya hêrişanê Tirkîya û Îranî xoza rê texrîbato pîl beno. Rapor de yeno vînayene ke şerê dewleta tirke yo ke bi serran o yeno domnayene eynî wextî de vera xoza yeno kerdene.

Raporde nê nuqtayî bale ancenê: ''Başûrê Kurdîstanî de 40 baregehê leşkerî yê artêşa tirke ya îşxlakere estê. Rojawan de warê ke binê îşxalê dewleta tirke de yê sûcê teberê merdimîye yenê kerdene. Na artêşa îşxalkere bi des serran o Kurdîstanî bombarduman kena û xozaya ci texrîp kena. Şerê de têna merdimî nê heywan zî mirênî, xoza bena leymin, awa bena axuyine û herre zirar vînena. Şerê dewleta tirke eynî wextî de vera xoza yo. Rayapêroyîya mîyanneteweyî zî nê bêveng seyr kena.''

Goreyê raporî 10 serranê peyênan de 1,3 mîlyon donumî ra zafêr daristan û nebat çîn bi.  Nê şewatî ke bîyî sebebê nayî netîceya bobmardimananê Tirkîya û Îranî ra vejîyayî. Reyna erzîyanê zîretî, xeylêk heywayî koyîyî û keyeyan zî zirar dî. 50 serranê peyênan de daristanê Kurdîstan û Iraqî se de 50 çîn bi.

Rapor de yeno vatene ke 1992 ra nata Tirkîye tim û tim hewa û erdî ra Kurdîstanî bombarduman kena. Netîceyê nê hêrişan de bi hezaran sîvîl û gerîlayî şehîd bîyî bi hezaran hekdar daristan çîn bi.

Ama vatene ke goreyê îstatîstîkanê pêşmergeyan mabênê serranê 2015-2019 de dewleta tirke 698 rey hewayî ra û 555 rey zî erdî ra hêriş kerd. 2020 de 1300 hêrişê hewayî û 120 hêrişê erdî ameyî kerdene.

Raporde ame vatene ke 40 rojanê hêrişê îşxalî de 7 hezar donum erazîya zîretî vêşa. 9 rojanê verênan ê îşxalî de dewanê Kanî Masî û Avaşînî de 1.300 kuwareyê mêsanî yê dewijan çîn bîyî. Dewa Adne yê Kanî Masî de zî projeyêkê awe rijîya.

Rêxistina Xoza ya Kurdîstanî veng da Tirkîya ke wa operasyonanê xo yê leşkerîyan vindarnê û qirkerdişê vera xoza biqedîno. Rexistinê waşt ke wa şarê Kurdîstanî û tucarî malanê tirkan boykot bikerê