Avûkat Cemal Demîrî bi wesîleya serrgêra Komployê 9ê Teşrîna Verêne ya 1998î de ANFyî rê qisey kerd.

Demîrî vist vîrî ke 1998 de îtîfaqê Komployê Mîyanneteweyî vera kurdan ronîyayo û ê çaxî ra nata şexsê Abdullah Ocalanî de vera kurdan şer yeno kerdene. Demîrî vat: ''Birêz Ocalanî bi Komployê Mîyanneteweyî tesîmê Tirkîya ame kerdene. Armancê nê îtîfaqî yo bingeyîn xorinkerdişê şerî bi. Bi nê hawayî vera xîretanê caardişê haştîye û çareserkerdişê meseleya kurdan ê Ocalanî bi komployî cewab ame dayene.

Her çiqas bi perspektîfanê cîyayan û analîzanê tarîxîyan Komployê Mîyanneteweyî rê cewab ame dayene û komplo ame pûçkerdene zî tecrîd û îzolasyon verê çareserîya meseleya kurdan gênê. Halbûkî pêşnîyazê Abdullah Ocalanî tim haştî û dîyalogî bîyî. Birêz Ocalanî vatêne ke bi dîyalogan zemînê çareserîye virazîyeno. Ey qetî şîdet û teda sey zemînê çareserîye nêdî. Eqsê ci ey şîdet û teda tim sey astengîyêka pîle ya vera çareserîye dî. Kurdî û dostê  înan ganî serrgêra Komployê 9ê Teşrîna Verêne de nêrazîbîyayîşê xo hîna zaf bimojnê. Çunke tecrubeyanê verênan zî mojna ke meseleya kurdan ancax bi dîyaloganê pê Ocalanî çareser bena.''