Dewanê Kulukan, Demîrtaş, Korudîbî û Dumluyazi yê  qezaya Depe ya Xarpêtî de darî pê bahaneya 'asayîşî' birîyenê. Seba birnayîşê daran projeyêk zî ame amadekerdene. Platformê Pawitişê Awa Pêrî (KAR-DEF) vera rewşe nêrazîbîyayîşê xo mojna.

KAR-DEFî derheqê babete de eşkerayîyêka çapemenîye daye û îfade kerd ke nê herêman de meseleyêka 'asayîşî' çin a. KAR-DEFî bale ante ser ke herême de cara herême de pê HESan û ocaxanê madenan talanêko pîl esto û birnayîşê daran bi taybetî nê prosesê vîrusê Korona de do xozaya herême texrîb bikero.

KAR-DEFî da zanayene ke nê daristanî hetê şarê ra sey warê mera yenê xebitnayene û tede xeylêk heywanî ciwîyenê. KAR-DEFî ard ziwan ke texrîbê daristanan do hem cuya hemwelatîyan hem zî heywanan rê bi hawayêkê negatîfî tesîr bikero û do bibo sebebê felaketanê xoza yê sey laser.