Destsernayîşê şaredarîyanê Partîya Demokratîke ya Şaran (HDP) Amed, Êlih, Sêrt, Şinex, Adana û Mersîn de ame şermezarkerdene.

Amed de verê banê HDPyî yê Baglarî de eşkerayîyêke ameye dayene. Parlametere Remzîye Tosun, hemserekê partîye yê bajarî Hulya Alokmen Uyanik û Zeyyad Ceylan û îdareyê bajara û qezayan yê partîye tewre ci bîyî. Eşkerayîye de ame vatene ke sey vizêr ewro zî do Amed vera neheqîye vengê bikero berz. Reyna veng dîya îqtîdarî yo ke wazeno kurdan teslîm bigêro û ame vatene ke tarîxê kurdan de teslîmbîyayîş çîn o kurdê xoverdayoxî do têkoşîn rê dewam bikerê. Bi eynî waştişî çalakîyêke zî Farqîn de ameye viraştene

Sêrt de  bi tewrbîyayîşê parlamentera Sêrtî Meral Daniş Beştaş, vervatoxê partîye Ebru Guney û parlameterî Nezjdet Îpekyuz, Dersime Dag, Feleknas Uca, Siddik Taş, Ayşe Surucu û îdarekarê bajara û qezayan ê HDPyî eşkerayîya çapemenîye ameye dayene. Ekerayîye de vera derbeya hukmatî nêrazîbîyayîş ame ramotene û mesajê xurtkerdişê têkoşînî ameyî dayene.

Reyna Êlih, Şirnex, Adana û Mersîn de zî bi çalakîyan binpaykerdişê îradeyê şarî ame şermezarkerdene û ame vatene ke ê qeyûman nas nêkene û wayîrê îrdeyê xo vejîyenê.