Taxa Alîpaşayî ya Amedî de Dêrê Surp Sarkîsî seserra 16. de virazîyayo bi nameyê Dêrê Çeltik (Xizir Îlyas) zî zanîyeno. Qirkerdişê Armenîyan ra dima dêr sey axûr û embar şuxilîyayêne. Dêr nika bîyo warê tîryakîyanê kundoxî û cigêrayoxê xazîne.

Peygoşîye û bêwayîrîye ra kemerê neqişnayeyî yê dêrî ameyî pakerdene û diznayene. Zereyê dêrî ameyî kinitene û tede bîdonê tîryakîyanê kundoxî estê.

Dêrî ra têna stunê ci mendî. Seba ke dêr bêro pawitene Weqfa Armenîyan û Odaya Muhendîsan a Amedî reyde pêvînayîşî ameyî kerdene.

Taxa Alîpaşayî ya Sûrî de kişta dêrî de têna çinarêrêk mendo. Dêr pê kerrayanê bazaltan ê sîyayanê ke têna Amed de estê virazîyayo.