Qezaya Mazgêrdî ya Dêrsim de dîyayîşê hamnanî reyde şarî dest pê viraştişê aqîtê tûyan û bastêqî kerd. 

Refîka Dogan zî dest pê viraştişê aqît û basteqê xo kerd û derheqê viraştişê nînan de qisey kerd. Refîka vat: "Ma şefeqî ra wurzenê. Naylonan danê verê daranê tûyan. Dima ra ma şanenê ra. Ma dima ra mîyanê telîsan de pelixnenê, dima ra kenê mîyanê satilan û girnenê. Karo ke ma kenê zaf zehmet o. Ma pabeyê serdinbîyayîşê înan vindenê. Ma reyna kenê mîyanê satilî û adir gir kenê. Ma wina danê tê. Dima ke tehmê ci virazîya ma serê adirî ra gênê. tûyan ma serê paçikan de fînenê ra û danê serê banî ke wişk bibê. 

Xeylêk wext gêno. Hem hetê pakkerdişî, hem hetê pelixnayîşî û girnayîşî. Herême de bi taybetî bastêqê tûyan û aqîtê tûyan virazîyenê. La ganî no bastêq roje bi roje bêro kontrolkerdene û vurnayene. Dima ke ma bastêq fetelna awe kenê piro û reyna danê verê tîjî. Her roje û her saete ganî bêro kontrelkerdene." 

Refîka bale ante serê viraştişî û vat: "Ma reyna tûyan weşênenê. Ma ê tûyan ke ameyê komkerdene kenê qazanan û girnenê. Dima ke tûyan kenê mîyanê laçikêke û awa înan gênê. A awa tûyan ke tûyan ra girewtê, reyna qazanan de hêdî û hêdî yenê girnayene heta ke benê aqît. Dima ma kenê serê tepsîyan. Semedo ke bibo aqîtêko baş nêzdîyê mengêke binê tîjî de ma vindarnenê. Key tehmê xo girewt merdim eşkeno biwero. Labelê semedê ke toz û mêsî nêkewê ci, ma serê înan padanê. Semedê pawitişê ci zaf xesas o."

 Refîka tewr peyên vat, Dêrsim de xeylê roniştoxî hem pê debara xo kenê û hem zî kulturê xo dewam kenê. Refîka pare kerd ke ê nêroşenê tena goreyê xo viraznenê.