Qezaya Çêmişgezekî ya Dêrsimî de heywanan de nêweşîya şapî amebî tesbîtkerdene. Naye ser o 11 cayan de qasê 30 rojan têgêrayîşê heywanan ame qedexekerdene. 

Dewanê Tekelî, Toratli, Paşacik, Gozluçayir, Bozagaç, Saribalta, Dogan, Payamduzu, Ulukale, Yenimahale û mahaleyanê merkezî de dekewtiş û vejîyayîşê heywanan ame qedexekerdene. Selahîyetdaran  pare kerd ke êyê ke goreyê qedexeyî tênêgêrenê, nînan rê cezaya pereyî do bêra dayene.