Dêrsim de di kesê ke Iraqî ra ameyî înan de varyantê Delta yê Korona ame tespîtkerdene. Nayî ser o 52 kesî gerîyayî binê karantîna.

H. C. (64) yo dêrsimij û cinîya ci E. A. F. A. ya irakije ke Iraqî ra ameyî verî pê teyara şîyî Îstanbul uca ra pê otobuse şîyî Erzîngan û dima ra zî şîyî dewa Aktîkî ya qezaya Pilemûrîye ya Dêrsimî. Dima ra seba ke ê nêweş kewtî şîyî Nêweşxaneyê Dewlete û înan de varyantê Delta yê Korona ame tespîtkerdene. Nayî ser o ekîbanê weşîye xebata fîlyasnonî kerde cinî û mêrde û kesê ke teyara û otobuse de tewrê înan raywanîye kerde înan ra 52 kesî keyeyanê ci de gerîyayî binê karantîna.