Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye.

Eşkerayîya HPGyî wina ya:

''30ê temmuze de Qezaya Xozatî ya Dêrsimî de wesayîtê artêşa tirke yo ke ver bi Qereqolê Amutka şiyênî nêzdîya nîzamîyeya qereqolî de hetê hêzanê ma ra mesafeyo nêzdî ra ame pirodayene. Wesayît ame derbkerdene û îşxalkerêk ame kiştene. Eynî herême de 5 kamerayî hetê hêzanê ma ra ameyî îmhakerdene.  Netîceya bombardumanê îşxalkeran de şewato ke warê Derekoyî de vejîya hema dewam keno.

Çarçewa Hemleya Şorişgêre ya Cengê Xabûrî de 30ê temmuze de Girê Koxê Mele Yahya yê warê Keşanî yê herêma Heftanînî de îşxalkerî bi taktîkê sûîqastî ameyî pirodayene. Îşxalkerêk ame cezakerdene.

28ê temmuze de warê Şkefta Birîndara  û 31ê temmuze de warê Kurojehro û Saca yê herêma Zapî pê teyarayanê şerî ameyî bombardumankerdene. 29ê temmuze de xeta Qaşûra ya Metîna de  û 30ê temmuze Girê Sor, Girê Silêmanî û Girê Sipî yê Avaşînî têgêrayîşê helîkopteran qewimîya. 29ê temmuze de tunelê şerî yê Girê Sorî yê herêma Avaşînî ameyî bombardumankerdene. 30ê temmuze de dormeyê Gundê Meyrokê û warê Deşta Kafya yê Duhokî,29ê temmuze de warê Ava Lolanî, Girê Şekîf û Girê Şehîdanî yê herêma Xakurkê pê teyarayanê şerî ameyî bombardumankerdene.  30ê temmuze de herêma Zapî de warê Sîda pê obusanê ke qereqolanê sînorî ra ameyî eşetene ame bombardumankerdene. 31 menge de zî warê Çemço û Sîda pê teyrayanê şerî ameyî bobmardumankerdene.''