Dêrsim de seba koyan û vilikanê tewir bi tewiran  hingimeno tewr bikalîte û tabî yeno berardene. Hingdarî qerqilîyenê ke emser berardiş do kêm bibo. Sebebê nê qesawetî şert û mercê îklîmî û varayîşê kêmî yê.

Dewa Turnova ya qezaya Pulurî ya Dêrsimî de hemwelatîyî hingimenê xo menga êlule de do biroşê. Nê hingdaran ra yew zî Aydin Çakar o. Aydin seba ke dewa ci ameye vengkerdene Xarpêt de ciwîyeno û her serre şino yeno dewe û hindarîye keno. Aydinî da zanayene ke ê ge ge serrêke de 4 ton yan zî 2 ton hingimên arê danê. Aydinî vat: ''Eke varan hol bivaro hingimen zî bibereket beno. emser zaf bereket çin o. Hingî nêeşkîyayî zaf hingimen bivirazê. Coka aseno ke rîyê ma do nêhuyê.''

Murat Kose zî serra 2009î ra nata pê hingdarîye debarê xo keno. Koseyî vat: ''Ez zaf pereyan qezenç nêkena la şabîyaye ya. Wexto ke berardiş kêm bibo xora ma qehirîyenê. Vîrusê Korona ra merdiman de hal nêmendo ke hingimên bihêrinê. Par ma pêro hingimenê xo rotbi.''