24ê çeleyê 2020î de erdlerzê Xarpêtî qewimîyabi. Erdlerz de Dêrsim de zî tay keyeyî texrîb bibîyî û coka nê keyeyî zimistan de ameybî rijnayene. La herinda înan de keyeyê neweyî nêvirazîyayî. Dewa Qabûnî ya merkezê Dêrsimî de keyeyê Huseyîn Yildizî zî ame rijnayene.

Yildizî da zanayene ke semedo ke îkametgehê ci merkezê Dêrsimî de yo ci rê konteynir nêame dayene coka ê bîyî mexdûr.

Yildizî ard ziwan ke verî ke o amadekarîya xo bikero keyeyê ci ame rijnayene û vat: ''Hacetê ma pêro teber de mendî, ma mexdûr bîyî. Tarîxê viraştişê keyeyan hema zî eşkera nîyo, vanê ê do serrnê bikerê. Semedê viraştişê keyeyan 200 bîn lîra wazenê. Dewijî nêeşkenê nê pereyî bidê.''