Qezaya Pilemurîye ya Dêrsimî de wareyê Yoncalikî de leşkerî xîret kenê ke pê zorî keyeyê Karakuşî ware ra bierşawê.

Wareyê Yoncalikî yê qezaya Pilemurîye yê Dêrsimî de leşkerî Emrah Karakuş û keyeyê ci rê teda kenê ke wa nêşorê ware. Emrah Karakuşo ke pê heywankarîye debarê xo keno vat: ''Yew sebeb nêmojnenê têna vanê 'Şima do ware ra şorê, şima goreyê tîya nîyê.' Tîya de heywanê ma estê. Fermandarê Pilemurîye babîyê mi rê vat 'Şima hetkarîya mi nêkenê, bêrê war.' Ma wazenê derdê xo vajê la goştarî nêkenê. Ma pê heywankarîye debarê xo kenê. Ewro yan zî siba ê do ma bîyarê war. Rewşa ma ya madîye hol nîya ma do mexdûr bibê.''