Merkezê Îrtîbatî û Çapemenîye yê HPGyî derheqê hêrişê artêşa tirke û çalakîyanê gerîlayan de eşkerayîye daye û nê pare kerdî:

''Çarçewa Hemleya ''Dem Demê Azadîye yo'' de Dêrsimî ra heta Metîna çalakîyê hêzanê ma hewa û erdî ra dewam kenê. Çalakîyê ke hêzanê kerdî detayê ci wina yê;

Xozat de 2 îşxalkerî ameyî kiştene

Herêma Derekoyî ya Xozatê Dêrsimî de hêzanê ma 9ê gulane de îşxalkerî girewtî binê kontrolî û dima ra mesafeyo nizdî ra di yewîye îşxalkeran hedef girewtî. Wird çalakîyan de 2 îşxalkerî ameyî cezakerdene û 3 îşxalkerî zî birîndar bîyî. Badê çalakîye îşxalkeran herême bombarduman kerde. Na çalakîye semedê vîrê fermandaranê ma yê bêmergan Zine Avesta û Yilmaz Dêrsimî ameye kerdene.

Hêzê  Pawitişî yê Hewayî yê Şehîde Delale;

Qilê Zendûra ya  herêma Metîna de hêzanê ma yê Pawitişî yê Hewayî yê Şehîde Delale 9ê gulane de hewayî ra da îşxalkeran ro. 10ê gulane de tîya îşxalkerî reyna ameyî pirodayene. Wird çalakîyan de zî îşxalkerî biîsabet ameyî pirodayene.

Çarçewa ''Hemleya Şorişgêre ya Cengê Xabûrî'' de;

Qilê Şehîd Çîyayî  yê warê Derarê yê herêma Metîna de îşxalkeranê ke waşt daran bibirnê 9ê gulane de hêzanê ma vera înan çalakîye kerde. Hêzê ma pê çekanê ferdî û bombayanê destî şiyî dişmenî ser, mesafeyo nizdî ra da piro. Çalakîye de 6 îşxalkerî ameyî cezakerdene. Hemrayê ma Çekdar û Kurtay ê ke bi hewayêkê fedayîyî şîyî cenazayanê dişmenî ser ke çeke wedarê kewtî pêkewtişê giranî. Pêkewtiş de wird hemrayê ma zî bi şerkerdişê qehremankî şehîd bîyî. badê çalakîye herême ameye bombardumankerdene.

Hêrişê hewayî

Teyrayanê şerî yê tikre 9ê gulane de hêrişê erazîya dewa Şikeftîya ya warê Meyrokê ya Garê kerd. Erazî 7 reyî ameye bombardumankerdene. Nê hêrişî de hemrayê ma Çîya tewrê kerwanê şehîdan bi, yew hemrayê/a ma zî birîndar/e bi/bîye. Nasnameyê hemrayê ma Çîyayî do pey ra bêro eşkerakerdene.

Reyna 9ê gulane de warê Kêste û Qilê Zendûra yê Metîna bi obus û hawanan ameyî bombardumankerdene. Badê hêrişî erazî de şewat vejîya. Eynî roje Qilê Zendûra yo Pîl û warê Derarê yê Metîna pê helîkopteran ameyî bombardumankerdene û warênê Şukê, Mervanos û Mamreşoyî yê Avaşînî de têgêrayîşê helîkopteran estbi. 10ê gulane de zî warê Karkerî yê herêma Zapî bi teyarayanê şerî ame bombardumankerdene. Nê hêrişan de vînîbîyayeyê ma çîn ê.''