Artêşa tirke 10ê sibate de pê nameyê ''Pençe-Kartal 12''  hêrişê Garê kerdbi. Netîceya xoverdayîşê gerîlayan de 14ê sibate de hêrişî ameyî pûçkerdene. Gerîla YJA Starê Bêrîtane Botan û gerîlayê HPGyî Mahîr Cûdîyî qala xoverdayîşê Garê kerde.

Bêrîtane Botan vat: ''Rixmo ke dişmenî pêro teknîk û îmkanê xo xebitnayî nêeşka xoverdayîşê gerîlayanê azadîye çin bikero. Peynî de dewleta tirke ya faşîste bin kewte û neçare mende ke xo apey bianca. Ma sey gerîlayanê HPG û YJA-Starî zanenê ke nê hêrişî dewamê komployî bîyî. Coka înan sibate de hêriş kerd. Çinkerdişê nê hêrişan yeno manaya çinkerdişê komployî.  Îradeyê ma xurt o û armancê ma pîl o. Coka ma do heta serkewtişî xo ver bidê. Armancê ma no yo ke Kurdîstanêkê azadî de pê Rayber Apoyî û şarê xo ma azad biciwîyê. Ma pê nê ruhî şer kenê û ser kewenê.''

Gerîlayê HPGyî Mahîr Cûdîyî zî vat: ''Ma sey gerîlayanê HPGyî sozdarê şarê xo yê. Ma soz da ke pêro Kurdîstan bipawê. Seba artêşa tirke dekewtişê Garê sey vejîyayîşê ci nêbi. Ganî Erdoganî no hesab bikerdêne. Plansazîya înan vera gerîlayan bin kewte. Rayberîya embaz Şoreşî de xoverdayîşêko bêeman ame kerdene. Şexsê na çêrîye de ame mojnayene ke îrade û perwerî do teknîk çin bikerê.''