HDPyîjê ke semedê tewrbîyayîşê 'Rayraşîyayîşê demokrasîyî yê vera darbeyî' yê perrê Colemêrgî bibê şîyî Amed, dekewtişê bajarî de vernîya înan ameye girewtene.

Rêxitina HDPyî ya Çewlîgî ra grûbek semedê tewrbîyayîşê 'Rayraşîyayîşê demokrasîyî yê vera darbeyî' yê perrê Colemêrgî bibê şîyî Amed.  Partîyîjî nuqtaya polîsan ê dekewtişê Amedî de nizdê çar saetan ameyî pawetene û 7 nuqtayanê kontrolî ameyî vindarnayene. Bi bahaneyê janê Korona destur nêdîya ke partîyîjî bikewê û Amed û peyser ameyî açarnayene. HDPyîjê ke bi saetan rayîr de ameyî pawetene reyna agêrayî Çewlîg.

Grûba HDPyî verî ke kewtê rayîrê Amedî verê banê partî de eşkerayîyêke daye û  bale ante muhîmîya têkoşînî ser.