Dewaya kesanê ke maruzê hêrişê polîsan mendî, taloq bîye

Wan de polîsan hêrişê tay kesan kerdbi û destê înan peyî ra kelemçe kerdbi. Dewaya nê kesan ameye taloqkerdene.

Par polîsan hêrişê tay kesan kerdbi ke tede Hemserekê HDPyî yê Wanî Umît Dede, Yadîşen Karabulak, Hemserekê DBPyî yê Wanî Okkeş Kawa û wekîla HDPyî Muazzeze Orhan zî estbî. Nê hêrişî de polîsan Mahmut Dundar, Omer Ertaş û Serdar Çevîk erdî de derg kerbi û destê înan  peyî ra kelemçe kerdbi. Semedo ke fotografê serebûtî girewtêne polîsan hêrişê rojnameger Oktay Candemîr zî kerdbi.

Polîsan dima gerreyê nê kesan kerd. Serdozgerîya Komare ya Wanî waşt ke nê kesan rê cezaya zîndanî ya 6 mengan ra heta 3 serran bêra dayene. Roniştişê dewa ame taloqkerdene.