Goreyê xeberêka Kolber Newsî 6ê tebaxe de leşkeranê Îranî herêma Newsûdî ya Rojhelatê Kurdîstanî de hêrişê komêka kolberan kerd. Hêriş de kolberêk ame qetilkerdene.

Xebere de dîya zanayene ke cenazaya kolberê bi nameyê Aso Kerîmî 19 saetan ra dima ameye dîyene û 9 kolberî zî birîndar bîyî.

Xeberêka bîne ya bi tarîxê 8ê tebaxe de zî ame parekerdene ke herêma Newsûdî de hêzanê Îranî di kolberî birîndar kerdê.

Menga temmuze de sînorê Rojhelatê Kurdîstanî de tewr tay 20 kolberî hetê hêzanê dewleta Îranî ra ameyî qetilkerdene û nînan ra 14 tenî sînorê Newsûdî de ameyî qetilkerdene.