Goreyê xeberêka Rojnewsî artêşa tirke ya îşxalkere herêma Biradostî ya Başûrê Kurdîstanî de 12 hemwelatîyî tepiştî, înan rê îşkence kerd û çend asterê înan qetil kerdî.

Xebere de dîya zanayene ke kesê ke tepişîyayê dewanê bajarekê Sîdekanî yê Hewlêrî ra bîyî. 

Şahîdêkê serebûtî eşkera kerd ke dima ke ê şîyî arêdayîşê pincaran artêşa tirke rayîrê înan girewto û tayê dewijî naye ser o remayî. Şahîdî ard ziwan ke artêşa tirke guleyî eştî înan ser û astorê înan qetil kerdî.

Goreyê xebere 12 hemwelatîyî tepişîyayî, raştê îşkenceyî ameyî û aqîbetê tay hemwelatîyan nêzanîyeno.