Kurdîstan de polîtîkayê asîmîlasyonî yê dewleta tirke nêqedîyenê. Şaristananê xoverdayîşê xoîdarekerdişî de nê polîtîkayî zêdêr ê. Bi taybetî Sûr û Rezanê Amedî de fuhuş û madeyê kundoxî zaf vila bîyî. Nê kerdişî hetê asayîşê dewleta tirke ra yenê kontrolkerdene.

Esnafêkê Sûrî vat wextêkê kilmî ey bazirgananê kondoxî de nîqaş kerd, babete berde asayîş la asayîşî mesele mîyan kerde. Esnafî vat na mesele ra dima o qerqilîyayo la reyna zî zerrîya ci pê ciwanan dejena.

Nê taxê ke tede kundoxî roşîyenê keyeyê fuhuşî zî tede aktîf ê.

Roniştoxêkê taxe zî pare kerd ke taxe sey verî nîya kesê bi nameyê R.E. taxe de eroîn û kundoxan roşeno û ciwanan xapîneno. R.E. têkilîya ci bi polîsan zî esta.

Goreyê vatişê roniştoxêkê bînî zî kesê bi nameyê Ş.Y. pê cinîyan fuhuş keno û têkilîya ey bi wayîrê Maşirê Gazîno M.A. esta. Roniştoxêkî vat cinîyî wazenê destê Ş.Yyî ra bixelisê la no mêrik pê înan şantaj keno. Roniştoxî vat: ''Lajê ey U.Y. zî rayîrê babîyê xo de yo. Nê kesan ra taxe de fuhuş zêdîyeno.''