Teyarayanê şerî yê dewleta tirke ya îşxalkere Bamernêya Duhokî da bombayan ver. Netîceya bombardumanî de sîvîl Alî Cemîl Kelaşo ke Batufa ra yo ame qetilkerdene û kesêk zî birîndar bi.

Dewleta tirke ya îşxalkera ke bi teqaberanê qedexeyan, gazanê kîmyewîyan û droneyanê teqaberbarkerdeyan hêrişê Herêmanê Pawitişî yê Medya kena û sûcanê şerî rê dewam kena, zirarê pîlî dana sîvîlan û cayanê roniştişî.

Merkezê Îrtîbatî û Çapemenîye yê HPGyî eşkerayîya xo ya 2ê kanûne de dabi zanayene ke dewleta tirke warê gerîlayan û dewê ke Herêmanê Pawitişî yê Medya de yê mabênê 30ê teşrîna peyêne û 1ê kanûne de 39 rey bi teyarayanê şerî  dayî bombayan ver û nê bombardumanî ra bax û bexçeyan û waranê sîvîlan ê şarê herême zîrar dîyo.