Îpeke Era 18 serre dima ke çawişê pisporî yê tirkî Musa Orhanî ci rê tecawuz kerd 16ê temmuza 2020î de întîhar kerd û 18ê tebaxe de zî rixmê pêro xîretan dinyaya xo bedilnaye.

Roniştişo 3. yê dewaya çawişê tecawuzkerî Mehkemeya Cezaya Girane ya Sêrtî de pê sûcdarîya 'hêrişê cînsî' ame kerdene.

Keyeyê Îpeke, avûkatê keyeyî, avûkatê baroyanê Amed, Êlih, Sêrt û Komeleya Huqûqnasan a Seba Azadîye (OHD), wekîlê HDPyî Feleknase Uca, Nurane Îmîr û Siddik Taş, aktîvîstê Têgêrayîşê Cinîyan ê Azadan (TJA), endamê KESKî, îdarekarê HDP û DBPyî tewrê roniştişî bîyî.

Musa Orhan û avûkatê ci zî Anqara ra pê SEGBÎSî tewrê roniştişî bîyî.

Pawitişê avûkatan ra dima heyetê mehkeme waştişê tepişîyayîşê çawişê pisporî yê tecawuzkerî Musa Orhanî red kerd. Roniştiş taloqê 16ê êlule ame kerdene.