Dewleta tirke hêrsê xo xozaya Kurdîstanî ra gêna
Artêşa tirke û cerganê ci 23ê nîsane ra nata 5 mengî yo bêmabên hêrişê xozaya Kurdîstanî kena. Artêşa tirke pê xoverdayîşê gerîlayan nêeşkena coka hêrsê xo xozaya Kurdîstanî ra gêna.
Dewleta tirke 23ê nîsane de vera Herêmanê Pawitişî yê Medya dest pê hêrişanê îşxalî kerd. Ê çaxî ra nata koyanê Metîna, Zap, Heftanîn û Zagrosî de semedo ke qereqolan viraza bi hezaran darî birnayî. Herêmanê Bêgova, Derkarî û Berwarî de bombardumananê dewleta tirke de xeylêk zerar resa keyeyanê sivîlan ser. Dewleta tirke xîrer kena ke Başûrê Kurdîstanî de estbîyayîşê xo mende bikera.
Gerîlayî vera artêşa tirke ya îşxalkere bi hawayêkê bêhempayî xo ver danê. Dewleta tirke vera gerîlayan pêro kerdişanê bêexlaqan şuxilnena, xozaya Kurdîstanî talan kena, daristanan vêşnena.
Dewleta tirke xeta Qaşura, Zendûra, Derar û Koordîne de xîret kena ke leşkeranê xo ca bikera. Tirkîya her roje Kestê, Hirorê, Deşîşê, Seraro, Edinê û Koordîne dana bombayan ver, daristananê ci vêşnena. Dewleta tirke hêrsê xo şaranê herême û xoza ra gêna.
Dewleta tirke pêro îmkananê xo şerê vera kurdan de xebitnena û kena ke herinda daristanan de awbend û santralanê termîkan viraza.
