Dewleta tirke Kanî Masî de dewijêk birîndar kerd
Dewleta tirke hêrişanê îşxalî yê vera Başûrê Kurdîstanî rê dewam kena. Dewêka Kanî Masî de hêrişê obusî de dewijêk birîndar bi.
Dewleta tirke ya îşxalkere 23ê nîsane ra nata hêrişê herêmanê Zap, Metîna û Avaşînî yê Başûrê Kurdîstanî kena.
Ewro nêmroje de dewa Hirorê ya Kanî Masî bîye hedefa obusanê dewleta tirke. Dewijê bi nameyê Remezan Alî hêrişê obusan de birîndar bi û hetê dewijan ra wedarîya nêwşexaneyêkê Zaxoyî.
Dîya zanayene ke dewijî ra zag gonîye şîye la rewşa ey a weşîye giran nîya. Dewa Hirorê 38 rojî yo binê bombardumanê dewleta tirke de ya. Hêrişan de zerar reseno axpîn, erazî, ban û cananê şarî ser.
