Rîyê kalekolê ke Koyê Cudûyî de yenê viraştene ra bi hezaran darî ameyî birnayene.

Mabênê dewanê Sorbitnê û Bêşêrê yê warê Deriyê Cebraîlî ya Koyê Cûdîyî semedê viraştişê kelekolî rayîrêk ame akerdene. Nê rayîr de bi tanqanê paletinan bi hezaran darî ameyî birnayene. Reyna dewijê herême zî bi çekan yenê hîşyarkerdene.

Dewijan ard ziwam ke rîyê kelekolan ra darê înan yenê birnayene û vera naye nêrazîbîyayîşê xo ramojna. Dewijan ra yewî/e ke rîyê asayîşî ra nameyê xo nêda vat: ''Nizdê hîrê aşmano ke herême de semedê rayîrê kelekolî darî yenê birnayene. Bi hezaran darî ameyî birnayene. Reyna dewijê ke herême de şinê vaş, kenger arê danê raştê hêrişê leşkeran yenê. Leşkerî guleyan kenê dewijan ser ra. Coka dewijî nêeşkenê cayê xo ra bileqê.''

Dewijan da zanayene ke rojanê peyênan de dewanê Cifanê, Gundikê Remo û Nerexî de bi destê qoricîyan darî yenê birnayene. Dewijan veng da rêxitinanê kemelê sivîlî, ekolojîstan  û berpirsîyaran ke wa qirkerdişê daran bêro vindarnayene.