Dewleta tirke Sîdekanî ser o bombayî varnayî: Sivîlêk ame qetilkerdene
Teyarayanê şerî yê tirkî sivîlanê herêma Sîdekanî yê Başûrê Kurdîstanî ser o bombayî varnayî. Netîce de sivîlêkî dinyaya xo bedilnaye.
Goreyê zanayîşan teyarayanê şerî 17ê hezîrane de koçeranê wareyanê Sîdekanî yê Hewlêrî ser o bombayî varnayî. Hêrişê vera wareyanê Berde Sipî de sivîlêkê bi nameyê Osman merd. Sivîl qezaya Akre ya Duhokî ra bi.
Dewleta tirke nê rojan de hêrişê xo yê vera Başûrê Kurdîstanî zêdînayî. Roje çin a ke bombayî nêvarenê. Şewa yewşeme-dişemeyî de zî xeylêk herêmanê Mexmûr, Şingal û waranê sivîlan ser o bombayî varnabi.
Hêrişanê dewleta tirke yê vera Başûrê Kurdîstanî de heta nika bi seyan sivîlî merdî.
