Dewleta tirke Silêmanî de 4 sivîlî qetil kerdî
Dewleta tirke ya îşxalkere pê teyarayanê şerî şaristanê Silêmanî yê Başûrê Kurdîstanî de da wesayîtêkê sivîlî ro. Hêriş de 4 sivîlî ameyî qetilkerdene.
Goreyê xebera RojNewsî dewleta tirke ya îşxalkere bajarekê Pişderî yê Silêmanî de da wesayîtêkê sivîlî ro.
Îdarekaranê bajarekî ra Helşo Bekîr Weysîyî da zanayene ke hêriş mabênê Girê û Kanî Layî de qewimîya. Weysîyî eşkera kerd ke hêriş de 4 sivîlî ameyî qetilkerdene ke nasnameyê înan nêzanîyeno û vat: ''Na herême herêmêka leşkerî nîya, warê sivîlan o û nêzdîyê Helşo û Qeladizê yo. Hemwelatîyî nê rayîran şuxilnenê.''
Weysîyî pare kerd ke seba tesbîtkerdişê nasnameyê 4 sivîlan komîteyêke ameye awankerdene.
