Goreyê zanayîşanê ke herême ra ameyî girewtene dewleta tirke hemwelatîyê ke dormeyê Koyê Şekîfî yê herêma Lolanî yê Başûrê Kurdîstanî de seba arêdayîşê vaşî dayî bombayan ver. 

Ame parekerdene ke hêriş de tay sivîlî birîndar bîyî la hûmara birîndaran eşkera nêbîye. Xeylêk kesî ver bi cayê bombardumanê pê slogananê vera dewleta tirke şinê ke sivîlan herême ra vejê.

Dewleta tirke 26ê temmuze de dewa Hesepîrî ya herêma Bamernê ya Amedîye ser o bombayî varnaybî û 2 sivîlî qetil kerdbî. 22ê temmuze de zî Koma Haştîye ya Xirîstîyanan pare kerd ke dewleta tirke 15ê hezîrane ra nata 15 sivîlî qetil kerdî.