Eyaletê Avaşînî de gerîlayî çar mengî yo Werxelê û Girê Sorî de xo ver danê. Destanê nê xoverdayîşî nêeşkîyeno binusîyo. Gerîlayî bêhewn, destê înan serê tetîkî de, nobeta xoverdayîşî de, xoverdayîşê vera gazanê kîmyewîyan de şer kenê.

Xoverdayîşê waranê xoverdayîşî yê Werxelê û Girê Sorî rew ra asta xpverdayoxe û îradeyê merdiman derbaz kerdo. Zerrîyê ke nê waran de xo ver danê îradeyê Apogîran o. Bê îradeyê winasênî çew nêeşkeno 4 mengî wina xo ver bido. Gerîlayê Girê Sor û Werxelê gerîlayê winasên ê ke nika ra tarîx nusenê. Xoverdayoxê Werxelê pê nê vateyî morê xo danê binê tarîxî: ''Bi nê îradeyî ma do heta peynîya emrê xo xo ver bidê.''

Serê sibayî yê 2ê êlule de artêşa tirke ya îşxalkere vera tunelanê şerî yê Werxelê dest pê şuxilnayîşê çeka kîmyewîye krd û 7 reyî gazo jehrîn zî şuxilna. Key teng bîyî înan çeka kîmyewîye xebitnaye. La 90 rojî yo pê xoverdayîşê gerîlayan nêeşkayî. Tabloyê nê di rojanê şerî wina bi: verî vera tunelanê şerî yê Werxelê hêrişêko giran ame kerdene, dima pê obus û hawanan, teyarayanê şerî tunelî dîyayî bombayan ver. Cemê şanî helîkopterê hêrişî kewtî dewre. La semedo ke ê nizmî ra gêrayêne hêzanê gerîlayan da înan ro. Serê sibayî verî ê bi teqaberan hêriş kenê dima zî pê çekan guleyan erzenê. Înan tîya de çeka kîmyewîye amade kerde ke bivisnê dewre. Înan kincê taybetî dayî xo ra û dest pê xebitnayîşê gazê kîmyewî kerd. La gerîlayan pê tedbîran xo pawit.

Seke dîmenan de zî aseno leşkerê tirkî yê îşxalkerî vera tunelanê şerî yê warê xoverdayîşî yê Werxelê makîneyêka şewatî şuxilnenê. Dima zî pê na makîne gazê jehrînî erzenê zereyê tunelan. Gerîlayî dima ke xo ver danê gazanê kîmyewîyan pê teknîkê xo vejenê teberî. Leşkerê tirkî yê maskerdeyî ney ra dima agêrenê.

3ê êlula 2021î de gerîlayê YJA-Starî herêma Avaşînî de di baskan ra danê warê leşkeran ro û xo verdenê mîyanê îşxalkeran. Na çalakîye de 5 leşkerî kişîyenê. Roja bîne leşkerê tirkî reyna hêrişê waranê xoverdayîşî kenê. 4ê êlule de 17 reyî hêrişê warê xoverdayîşî yê Werxelê kenê. Dima ke nê hêrişî hetê gerîlayan ra yenê pûçkerdene dewleta tirke reyna pê kerdişanê gemarinan agêrena û bombardumananê bi çeka kîmyewîye rê dewam kena.