2 esnafê çewlîgijî yê bi nameyê Şefîk Yilmaz û Halîl Bayindir seba ke ziwan û kulturê înan biciwîye welat de dewe bi dewe, kuçe bi kuçe gêrenê û deyîranê verênan anê pêser.

Wird camêrdî zî qezaya Kanîreşî ya Çewlîgî de esnafîye kenê û verî ra nata muzîkî reyde eleqedar bîyêne. Esnafî deyîranê ke anê pêser medyaya dîjîtale de pare kenê. Hemwelatîyê Kurdîstanî ni meraq û waştişî esnafan teqîb kenê. Têna Kurdîstan û Tirkîya ra nê Ewropa ra zî seyrker û goştarîkerê esnafan estê. Esnafî armanc kenê ke deyîranê verênan vîrî ra nêşorê. Esnafî bi nê hawayî wazenê ziwan û kulturê xo zî bipawê.

Esnafan ra Bayindirî vat hînî veyveyan de orkestra deyîran vano la verê cû şarî pêro pîya vatêne û govend girewtêne. Coka ê şinê hetê kokiman û înan ra deyîran musenê û vanê. Esnafan ra Şefîkî zî ard ziwan ke ziwan û kulturê kurdan verê mergî de yê. Esnafan vat ke ê nika deyîranê kurmanckî ser o vindenê la dima zî do deyîranê kirdkî zî vajê.