Fermandaranê YJA-Starî ra Berfîne Nûrhak kesayetê Fermandar Mahsum Korkmaz (Egîd), têkoşînê gerîlayan û embazîye ercnayî.

Qiseykerdişê Fermandare Berfîne Nûrhak ra beşêk wina yo:

''Fermandar Egîdî Kurdîstan de xetêka şorişgêre afernaye.  Rayberî û xoverdayîşê embaz Egîdî, dewamê ruhê xoverdayîşê Kemal Pîr, Hakî Karer û Hayrî Durmuşan o. Embaz Egîdî xeta çêrî ya PKKyî bi tewir, tewrbîyayîş û çêrîya xo kerde pîlêr û xorinêr. 

Sebebo tewr pîl ê çêrîya embaz Egîdî no bi ke ey embazanê xo reyde têkilîyêka xurte naye ro. Embazîya Apoyî embazê Egîdî reyde dewam kerd, hêz û perwerîye afernayî. Embaz Egîdî nê kulturê embazîye ra hêz girewt.

O sey Rayber Apoyî nêzdîyê cinîyan bîyêne. O o çax pê hesîya ke ganî cinîyî artêşa xo ronê, koyan de şer bikerê.  

Gerîlayî bi xurtî xo ver danê. Sebebê nê xoverdayîşê gerîlayam felsefeya Rayber Apoyî ya. Mîrasê Fermandar Egîdî yo ke çeperan rê verdayo, gerîlayan aver beno. Mîsalê nê mîrasî zî ewro Esmere, Nûcane û Rustem ê ke Heftanîn de xo ver da û şehîd bîyî. Xeta çêrî ya ke şexsê Egîdî de vejîyaye werte Dihî ra heta Heftanînî zî çêranê xo afernena.''