Artêşa tirke ya îşxalkere sûcê xo yê şerî zêdînayî. HPGyî 18 û 20ê kanûne de bi eşkerayîyan dabî zanayene ke artêşa tirke Metîna de vera gerîlayan çekê kîmyewî û nuklerî şuxilnayê.  Dîmenê nê hêrişan weşanîyayî.

Dîmenan de aseno ke mewzîyê gerîlayan bi çekanê nukleran û kîmyewîyan dîyenê bombayan ver û bombardumanî senî tunelan texrîn kenê.

HPGyî dabi zanayene ke nê hêrişan de 4 gerîlayî şehîd bîyê.

Merkezê Îrtîbatî û Çapemenîye yê HPGyî derheqê babete de nê agahîyî dabî:

''14, 15 û 16ê kanûne de mewzîyê ma yê Warê Xoverdayîşî yê Girê Ortê 41 reyî bi teqaberanê qedexeyan û gazanê kîmyewîyan dîyayî bombayan ver û rayêk zî bi bombaya nuklere ya taktîke dîyayî bombayan ver.

18ê kanûne de mewzîyê Warê Xoverdayîşî yê Girê Ortê 2 reyî bi çekanê teqaberan ê qedexeyan û gazanê kîmyewîyan dîyayî bombayan ver.''